Една од најпопуларните британски поп пејачки во моментов, Чарли XCX, се омажи за Џорџ Даниел, тапанарот на бендот „1975“, во градското собрание Хакни во Лондон.

Тие имаа приватна церемонија на која ги поканија семејството и блиските пријатели. Чарли носеше кратка венчаница дизајнирана од Вивиен Вествуд. Со оглед на тоа што повеќето познати дами избираат долги, раскошни креации, оваа нејзина го привлече вниманието. Карактеристично за Чарли XCX, фустанот не беше оптоварен со непотребни детали, туку се фокусираше на играта на текстури и беспрекорната изработка, и ненаметлива, но импресивна силуета.

Изгледот го комплетираше со вел, пуштена коса во бранови и едноставна шминка, а Даниел се одлучи за класично одело.

@fashwithtash Charli XCX George Daniel wedding #charlixcx #georgedaniel #viral ♬ Love Balloon – Ocean Alley

Двојката се запозна во 2019 година и првпат соработуваа заедно во 2021 година на синглот „Spinning“ , а потоа повторно во 2022 година на нејзиниот албум „Crash“. Истата година, тие предизвикаа гласини за врска откако беа фотографирани држејќи се за раце во Њујорк, а таа набрзо го потврди тоа.

 

View this post on Instagram

 

A post shared by COMPLEX (@complex)

Порано оваа година, таа изјави дека двајцата биле многу опуштени и сакале да имаат „лежерна“ забава наместо голема свадбена прослава.

„Не сме формални во врска со бракот или формалноста на церемонијата. Само сакаме да бидеме заедно засекогаш и да се забавуваме со нашите пријатели“, рекла таа.

По свадбата, таа се пошегува на Тикток, објавувајќи видео во кое напиша: „Кога Џорџ не плаче кога ќе ме види како одам по патеката“, а во описот додаде: „За среќа, го направи тоа“.

@charlixcxluckily he did xx

♬ original sound – will bottone