Ѓулер Ердоган, 27-годишната манекенка и Мис на Балканот за 2022 година, трагично го загуби животот додека се обидувала да ѝ побегне на полицијата во Турција. За време на празникот Рамазан Бајрам, Ѓулер престојувала во Гиресун, каде, според извештаите, во еден момент била забележана како неподвижна лежи на крајбрежниот пат, пренесува „Б92“.

Случајни минувачи ги известиле властите, а по пристигнувањето на полицијата и брзата помош било потврдено дека таа починала.

Инцидентот се случил на Црноморскиот крајбрежен пат во областа Хаџихуесин. Се претпоставува дека во неа удрило возило додека ја преминувала улицата.

Познато е дека работела како модел и била ангажирана во агенција за модели.

Весникот Сабах пишува дека Ердоган „пиела алкохол и се забавувала со пријателите“ за време на прославата на празникот.

Таа, наводно, била запрена од полицијата, а подоцна откако било констатирано дека е „пијана“, таа се обидела да побегне и го загубила животот откако во неа удрил автомобил.

Семејството сè уште не се огласило за медиумите, а на социјалните мрежи веќе се шират пораки со сочувство.

Полициската истрага за околностите на нејзината смрт е во тек.

 

View this post on Instagram

 

A post shared by Oxu.Az Türkçe (@oxuazturkce)