Фудбалерите на Парагвај со пресврт славеа победа од 2:1 над Аргентина во натпреварот од квалификациите за Светското првенство, а еден од двата гола на Парагвајците беше спектакуларен.

Аргентина прва дојде до водство и со голот на Лаутаро Мартинез во 11. минути игра поведе со 1:0.

Сепак, само осум минути следеа „ножичките“ на напаѓачот на Торино, Антонио Санабрија кој маестрално погоди за израмнување по нафрлувањето на Велазкез. Победничкиот гол Парагвајците го постигнаа по две минути игра во второто полувреме.

Кога е табелата во прашање, Аргентина останува на врвот со 22 бода, но Колумбија со победа вечерва во Монтевидео има прилика да ги стигне. Парагвај со освоените три бода стигна до шестата позиција која му гарантира пласман на Мундијалот.

Во натпреварите изминатата вечер Венецуела изненади и одигра 1:1 со Бразил, додека во преостанатиот натпревар Еквадор со 4:0 славеше над Боливија.