ВИДЕО: Русите влегоа во Харков, жителите ги дочекаа со молотови коктели
Руските трупи, со силна артилериска поддршка ноќеска влегоа во Харков, а жителите ги пречекаа со молотови коктели. Во вториот по големина украински град каде се случуваат жестоки улични борби, јавуваат медиумите.
Препорачано
-
1
-
2
-
3
Советник на украинскиот министер за внатрешни работи Антон Херашченко и Украинскиот државен сервис за специјални комуникации и заштита на информации на Телеграм објавија видео на кое се гледаат неколку руски воени возила на улиците на Харков и запален тенк, пишува Ројтерс.
A woman from #Harkiv on the way home casually stopped Russian BTR with a Molotov Cocktail.
Any other woman: Carrying pepper spray in the purse.
Ukrainian Woman: ?#Ukraine pic.twitter.com/HJG3UqNmfz— CodeZ1LLa??? (@CodeZ1LLa) February 27, 2022
Пренесувајќи информација на украинската државна агенција, Ројтерс јавува дека руските трупи го кренале во воздух тамошниот гасовод. „Непријателот сака да уништи сѐ“, изјави градоначалничката на Василкив, Наталија Баласинович. Проруските сепаратисти во Луганск, пак, тврдат дека украинска ракета погодила терминал за нафта во градот Ровенки.
Предположительно российские войска на улицах Харькова
ДАННОЕ СООБЩЕНИЕ (МАТЕРИАЛ) СОЗДАНО И (ИЛИ) РАСПРОСТРАНЕНО ИНОСТРАННЫМ СРЕДСТВОМ МАССОВОЙ ИНФОРМАЦИИ, ВЫПОЛНЯЮЩИМ ФУНКЦИИ ИНОСТРАННОГО АГЕНТА, И (ИЛИ) РОССИЙСКИМ ЮРИДИЧЕСКИМ ЛИЦОМ, ВЫПОЛНЯЮЩИМ ФУНКЦИИ ИНОСТРАННОГО АГЕНТА pic.twitter.com/7fQWF19o1w
— Дождь (@tvrain) February 27, 2022
Во меѓувреме, руското министерство за одбрана објави дека руските сили „целосно“ ги опколиле градовите Херсон и Бердјанск на југоисток на Украина.
„Во изминатите 24 часа градовите Херсон и Бердјанск беа целосно блокирани од руските вооружени сили“, изјави портпаролот на руското Министерство за одбрана Игор Конашенков, пренесуваат руските агенции.
Изутринава се водат тешки борби околу аеродромот Василково, во предградие на Киев. Според медиумски извештаи, руските трупи се обидуваат да го стават под контрола еден од поголемите аеродроми околу Киев. За овие информации нема потврда од независни извори. Во еден од првите напади во текот на ноќта, како што се вели од украинска страна, со ракети бил погоден магацин за гориво во предградие југозападно од Киев. Поради борбите кои не престануваат пожарникарите не можат да го изгаснат огнот.
Russian forces pushing into Kharkiv pic.twitter.com/XxV2ah7SQZ
— OSINTtechnical (@Osinttechnical) February 27, 2022
Украинскиот министер за одбрана Олексиј Ресников по повеќедневните тешки борби против руската армија, ги охрабрува своите трупи. Тој на Фејсбук зборува за „три дена кои засекогаш ја променија нашата земја и светот“. На Русите не им успеа да го освојат Киев, вели Ресников и додава:
„Наместо тоа, гледам херојска армија, победничка стража, бестрашни граничари, ангажирани спасувачи, доверливи полицајци, неуморни медицински ангели.“ Според Ресников, „сѐ повеќе луѓе гледаат дека никаде во Европа нема ваква армија“. Украина сега чека помош која пред три дена се чинела невозможна, вели министерот и ги уверува бранителите на земјата: „Темнината ќе се повлече. Се ближи зората.“
