ВИДЕО | Ручек на денот: Копани со брокула во сос од павлака и сенф
Сочни копани со брокула во ароматичен сос се одличен предлог за денешниот ручек.
Препорачано
Никогаш не е доста од инспирација за ручек, па ви предлагаме да го пробате и овој рецепт. Направете сочни копани со брокула во сос од павлака и сенф. Подготовката е едноставна, а состојките не се прескапи. Ако не сакате пикантна храна, слободно изоставете ја лутата пиперка. Во ова јадење со копани можете да додадете и некој друг зеленчук, какви што се пиперките…
Состојки:
– 6 копани
– 400 грама брокула
– 1 чешне лук
– 1 кромид
– 1 лута пиперка
– 1 шолја павлака за готвење
– 1 лажичка сенф
– сол
– бибер
– блага мелена црвена пиперка
– маслиново масло
– путер
Подготовка:
Зачинете го месото со сол, бибер и посипете со блага пипер. Добро истријте ги зачините, па прелијте ги со маслиново масло. Покријте со проѕирна фолија и маринирајте половина час. Потоа во тавата истурете малку масло и растопете го путерот, па пропржете ги копаните. Извадете го месото кога ќе се испржи, па во истото тавче додајте ситно сечкан кромид и цело чешне лук (кое сте го сплеснале со нож), како и сечканата лута пиперка. По неколку минути извадете ги лукот и лутата пиперка, а потоа додадете ја сечканата брокула и пропржете неколку минути. Вратете го месото во тавата.
Измешајте го кремот за готвење со сенфот, па сè добро соединете. Сипете во тавата, а потоа сипете малку вода и варете додека не почне да врие. Потоа покријте и варете уште половина час.
