Фудбалерите на Рома блескаа во последните две натпревари од Серија А. По четирите гола против Сампдорија, овојпат „волчицата“ пет пат ја затресе мрежата на Парма – 5:0.

Со новите три бода римскиот клуб се искачи чекор погоре и сега може да размислува за влез во првите 10 екипи. Од друга страна, Парма паѓа надолу на табелата и со третиот последователен пораз сега се наоѓа на 14 место на табелата.

Рома рано поведе, веќе во осмата минута. Балог го собори Дибала во шеснаесетникот, а напаѓачот на Рома беше сигурен од белата точка – 1:0.

Веќе во 13 минута Салемејкерс зголеми на 2:0. Анџелињо испрати центаршут од левата страна, на другата страна беше Салемејкерс, кој шутираше од прва и погоди за 2:0.

Со овој резултат се отиде на одмор, иако и Парма имаше две шанси за гол, сепак мрежата на Свилар, кој исто така беше во стартните единаесетмина на домашните на овој меч, не се затресе.

Во продолжението од играта Рома додаде „гас“, а Дибала повторно погоди во 51. минута. По ударот на Селемејкерс, голманот на Парма за кратко ја одби топката, но право до Аргентинецот, кој не му беше тешко да влезе во листата на стрелците – 3:0.

Не требаше многу и за четвртиот гол. Михаила го собори Салемејкерс во шеснаесетникот, овојпат Паредес погоди сигурно од белата точка. Точка на мечот во италијанскиот главен град стави Довбик, кој имаше неколку убави шанси во текот на мечот, но беше прецизен дури во 83 минута.

Во последниот натпревар годинава Рома ќе игра против Милан, додека Парма ќе ѝ гостува на Монца.