ВИДЕО: Родителите на убиените деца во училиштето „Владислав Рибникар“ на судењето се соочиле со мајката на момчето убиец
Први снимки од денешното судење во Високиот суд во Белград каде почна судењето на таткото и мајката на 13-годишниот ученик кој уби девет соученици и чувар во основното училиште „Владислав Рибникар“ во Белград, во една од најголемите трагедии во поновата историја на Србија што се случи во мај минатата година.
Препорачано
Родителите на убиените деца пред почетокот на судењето застанале спроти мајката на момчето убиец, која на рочиштето пристигнала од слобода.
Тивко, чекале да започне судењето, по што влегле во судницата. Тие седнале веднаш зад Владимир Кецмановиќ, таткото на момчето убиец, кој на рочиштето дошол од притворот во кој се наоѓа од апсењето во мај годинава.
Таткото исто се расплака и неколку пати ги бришеше солзите. Некои од родителите на убиените деца седеа зад него во судницата, но се беше мирно и без дофрлања. Обвинителите побараа исклучување на јавноста, пишуваат регионалните медиуми.
Обвинителот Никола Ускоковиќ побарал јавноста да се исклучи од целата јавна расправа, за да се заштитат интересите на малолетникот, со што не се согласил бранителот на таткото. Судот одлучил целиот главен претрес да биде затворен за јавноста.
Според обвинението, таткото е осомничен дека го обучувал својот малолетен син да ракува со огнено оружје. Освен таткото и мајката, обвинети се и сопственикот и инструкторот на стрелачкиот клуб каде таткото го однел момчето и го научил да пука.
