Ријана најави „прослава на нејзината кариера“ во недела за време на полувремето на американскиот Супербол. Американската супер-ѕвезда, со потекло од Барбадос, вели дека ова бил возбудлив предизвик за неа, откривајќи дел од процесот на подгтовка на шоуто кое нѐ очекува овој викенд во недела.

На прес-конференцијата на „Апл мјузик“ („Apple Music Super Bowl LVII Halftime Show“) која се одржа вчера, Ријана зборуваше со Надеска Алексис за тоа колку била тешка подготовката за нејзиниот прв настап во живо по седум години. Според неа, ова бил совршен момент во нејзината кариера за да се случи шоуто.

Со 14 број еден хитови на топ-листата „Билборд хот 100“, 9 Греми награди, 8 студиски албуми и 1,4 билиони долари на сметка, Ријана акумулира сѐ повеќе достигнувања, кои ќе ги круниса со прославата во недела.

„Кога првпат ми се јавија со понудата да настапам оваа година, ги прашав ‘Дали сте сигурни?’. Јас сум три месеци во постпородилен период. Дали е време да носам вакви одлуки, би можела да се каам подоцна. Но, кога стануваш мајка имаш чувство дека можеш да го освоиш светот. Суперболот е една од најголемите сцени во светот и колку и во моментот да ми се чинеше страшна идејата, особено поради фактот дека не сум се качила на сцена 7 години, имаше нешто возбудливо во предизвикот… Важно е мојот син да го види тоа“, изјави Ријана.

 

View this post on Instagram

 

A post shared by Apple Music (@applemusic)

34-годишната ѕвезда беше искрена и за огромниот физички предизвик да настапува во живо толку кратко по раѓањето на нејзиниот син кој го доби со американскиот рапер Асап Роки.

„Потребно е многу трчање за да можеш да сместиш двочасовно шоу во 13 минути. Ќе видите во недела не застанувам од првата до последната секунда. Знам дека откривам премногу но тоа ќе биде едно пренатрупано шоу“, објасни Ријана.

Најголемиот предизвик за Ријана бил да избере една верзија на шоуто која ќе ја видиме во недела од сите 39 кои ги подготвила.

„Тоа беше најтешкиот дел од сѐ, да одлучам што попрво да ставам во тие 13 минути а сепак да биде прослава. Тоа ќе биде шоуто, славење на се што сум сработила во текот на мојата кариера. Тоа се 17 години сместени во 13 минутно шоу, но мислам дека завбршивме добра работа.“ изјави Ријана за тоа како се одлучила кои песни да ги стави во шоуто.

Прес-конференцијта ја заврши со објаснувањето дека во недела ќе гледаме шоу кое ќе биде претставување на имигрантите, нејзиното родно место Барбадос, како и претставување на жените од црната раса ширум светот.

Повеќе вести за Ријана:

Фановите се возбудени: Ријана се враќа на музичката сцена со нова песна по шест години пауза

Го расплака светот: Ријана објави нова песна после шест години

Ријана се врати на сцената во своето најсекси издание досега