Хаос предизвикаа синоќа одредени фудбалери на Реал Мадрид веднаш по завршувањето на финалето на Купот на кралот во Севиља, кое го загубија од Барселона со 3:2 по продолженијата.

Се играше 122 минути во продолжението, кога Килијан Мбапе го фаулираше Ерик Гарсија во последниот напад. Одлуката на судијата Рикардо де Бургос Бенгоечеа не им се допадна на избраниците на Карло Анчелоти.

Антонио Ридигер фрли шише кон судијата и жестоко протестираше, а потоа се вклучи во физичка пресметка со судијата. Ридигер доби црвен картон, а неговите соиграчи едвај успеаја да го смират на клупата.

Сè уште нема официјални информации, но угледниот шпански „АС“ пишува дека Ридигер ќе биде суспендиран на најмалку четири, а можеби и 12 натпревари, што е максималната казна за таков испад.

Оваа суспензија ќе важи и за натпреварите од Ла Лига, што значи дека Германецот нема да биде на последното „Ел Класико“ од сезоната, кое ќе се игра во Барселона на 11 мај.

Во принцип, оваа сезона ќе биде завршена за Ридигер по казната. Се очекува казните за Винисиус и Белингам да бидат малку поблаги. На пет кола до крајот на Ла Лига, Реал заостанува четири бода зад Барселона.

This Rudiger crash out 😭😭😭 pic.twitter.com/yYOYu9pluE

— TLV (fan) (@TheLampardView) April 26, 2025