Во терминот од 18:45 денеска во Лигата на шампионте се одиграа уште два натпревари во кои Спарта Прага го победи Салзбург со 3:0, а Болоња и Шахтјор одиграа без голови 0:0.

Болоња влезе како фаворит и имаше повеќе прилики за гол, фудбалерите на италијанскиот тим испратија дури 18 удари кон голот на Украинците, но и тоа не беше доволно. Шахтјор голема прилика за гол пропушти во четвртата минута кога не реализираше пенал.

Спарта Прага одигра одличен натпревар и со 3:0 беше подобра од Салзбург на домашен терен. Домашниот тим до водство дојде со голот на Каирнен по само две минути игра. Пред крајот на првиот дел Олатунџи зголеми на 2:0, додека конечните 3:0 ги постави Лаци по еден час игра.