ВИДЕО | Рецепт за руски капи со малини: Старински колач без печење
Руските капи се старински деликатес, кој често се служи кога има некои прослави. Се прави од меки бисквити, кокос и чоколадо. Ние ви пренесуваме уште поедноставен рецепт за руски капи, кои се прават со малини и за кои не е потребна рерна.
Препорачано
Колачите што се приготвуваат без печење стануваат сѐ попопуларни, а сигурни сме дека руските капчиња ќе ви се допаднат уште на првиот залак.
Состојки:
– 500 мл млеко
– 100 грама шеќер
– 16 грама ванилин шеќер
– 2 лажици пченкарен скроб
– 2 лажици брашно
– 50 грама црвени малини
– кокос
– чоколадо
Подготовка:
Направете го филот: Во тенџере измешајте млеко, шеќер и ванилин шеќер. Потоа додајте скроб и брашно. Сè убаво измешајте за да нема грутчиња. Гответе додека не се згусне филот, со постојано мешање.
Додајте ги малините и сипете во чаша: Во филот додајте ги сечканите малини, па сè убаво измешајте. Чашите намокрете ги (дното и рабовите) и вишокот вода истурете го. Потоа, сипете го филот внатре и покријте со проѕирна фолија. Оставете го во фрижидер околу еден час.
„Извалкајте“ го во кокос: Извадете го колачот од чашата, па „извалкајте“ ја во кокосот. Потоа, исечете ја на подебели прстени, па украсете ја со растопено чоколадо.
