ВИДЕО | Рецепт стар повеќе од 200 години за оригинални лепињи за хамбургер
Пред повеќе од 200 години, кога поморците од цел свет дошле во пристаништето на Хамбург, настанала кулинарската легенда – лепиња за хамбургер.
Препорачано
Германските пекари осмислиле брза ужина во движење, па во лепињата ставале месо и тој оброк и денес е познат како хамбургер или плескавица. Поради новонастанатата популарност јадењето станало познато ширум светот.
Во продолжение на текстот прочитајте како сами да направите оригинална лепиња за хамбургер од Хамбург, по рецепт на германските пекари.
Доживејте го автентичниот вкус и текстура на оригиналните лепињи така што ќе ја почувствувате магијата на вкусот.
Состојки:
– 300 грама брашно
– 1 лажичка сол
– 15 грама свеж квасец
– 1 лажичка шеќер
– 50 милилитри млеко
– 1 јајце
– 50 грама путер
– 100 милилитри вода
За премачкување:
– 1 јајце
– 1 лажичка кисела павлака
– сусам
Подготовка:
Помешајте го топлото млеко и водата со иситнетиот квасец и шеќерот. Оставете да се активира 5 минути, па додајте го брашното, јајцата и путерот на собна температура. Потоа замесете тесто, па додајте сол и продолжете да месите. Покријте го тестото со проѕирна фолија и оставете го на набрашнета површина, а пoтоа поделете го на осум делови и обликувајте топчиња. Покријте ги со крпа и оставете да отстојат уште половина час.
Секое топче малку сплескајте го со рацете, па наредете го во плехот за печење. Изматете јајце со павлака и премачкајте ги лепчињата, па посипете ги со сусам.
Печете во загреана рерна на 180 степени Целзиусови околу 25 минути.
