Канцеларијата на шерифот на округот Санта Фе објави фотографии и видеа од домот на актерската легенда Џин Хекман и неговата сопруга Бетси Аракава во Ново Мексико, речиси два месеци по нивната смрт.

Станува збор за материјал снимен од камерите прикачени на униформата на полицајците. Некои делови од куќата беа во целосен неред, покриени со измет и урина. Во една од спалните соби е пронајдена перница со дамки од крв.

На видеото, меѓу другото, се слуша како еден полицаец му кажува на друг дека почувствувал непријатен мирис.

Во интервју објавено на 5 март, ќерките на Хекман, Елизабет и Лесли изјавиле дека тој и неговата сопруга сакале приватност и не дозволувале слугинки да влезат во нивниот дом.

Тие исто така изјавиле дека го виделе него и Бетси пред околу една и пол година, кога ручале заедно.

За потсетување, Одделот за јавно здравје во Ново Мексико откри мртви глодари, измет и гнезда во осум структури на нивниот имот вреден 4 милиони долари, пренесува „Кликс.ба“.