Американски проектил „Патриот“ испален од тајванската војска експлодираше кратко по лансирањето за време на рутинска воена вежба, а снимката од инцидентот брзо стана вирална на интернет.

Министерството за одбрана на Тајван им соопшти на локалните медиуми дека причината за експлозијата е под истрага и дека годишната вежба е успешно завршена и дека резултатите ќе бидат анализирани подоцна.

Инцидентот се случил на југот на островот за време на вежба со гаѓање во среда наутро, кога ракета „Патриот напреден капацитет-2“ (PAC-2) експлодираше неколку секунди по полетувањето. Втора ракета испалена за време на истата вежба функционирала без проблем, објави „Њузвик“.

Last night, Taiwan’s Air Force Command conducted its annual “Air-Sea Precision Missile Firing Exercise.”

Multiple systems were tested, including the Patriot II and Tien Kung III surface-to-air missile launchers.

During the PAC-2 test, an interceptor detonated shortly after… pic.twitter.com/VOh6IKZNHg

— Taiwan Security Monitor (@TaiwanMonitor) August 20, 2025

Според „Тајван њуз“, ова е втор пат од 2023 година ракета PAC-2, првпат испорачана на Тајван во 1996 година, да експлодира во воздух.

Тајван има девет батерии „Патриот“, секоја со до осум лансери. Системот за воздушна одбрана може да пресретне различни воздушни закани, вклучувајќи тактички балистички ракети.

Вашингтон останува клучен снабдувач на одбранбено оружје на Тајпеј, иако САД и Тајван немаат формални дипломатски односи од 1979 година.

Инцидентот се случува во време на зголемени тензии со Кина, која редовно одржува воени маневри во близина на островот и вети дека ќе употреби сила доколку е потребно за да ја постигне својата цел за „обединување“.