Рахим Стерлинг пет години во дресот на лондонските „сини“/Фото: EPA-EFE/Andy Rain

ВИДЕО: Рахим Стерлинг е нов фудбалер на Челси

Денеска лондонските „сини“ ја информираа јавноста дека нивни нов играч е Рахим Стерлинг кој доаѓа од редовите на Манчестер сити.

Официјално 27-годишниот англиски репрезентативец потпиша договор на пет години со Челси.

Стерлинг беше еден од клучните играчи во изминатите седум години во дресот на „граѓаните“ со кои четирипати ја освои Премиер лигата.

Од сезоната 2016/17, тој е еден од само осумте играчи кои постигнале 80 или повеќе голови во Премиер лигата, со просек од 22 во сите натпреварувања во последните пет сезони, како и во просек по 10 асистенции по сезона во истиот период.

– Задоволство е да се биде овде. Очигледно имам постигнато многу во мојата кариера досега, но има уште многу да се постигне и со нетрпение очекувам да го направам тоа во дресот на Челси, под раководството на Томас Тухел. Лондон е мојот дом и каде што сè започна за мене, и неверојатно е што сега имам можност да играм пред пријателите и семејството секоја недела, на „Стемфорд Бриџ“ – рече Стерлинг за клупскиот сајт.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот