Рускиот претседател Владимир Путин денеска пред да се упати на клучниот самит на американска територија со претседателот Доналд Трамп, застана во Магадан, руско пристаниште на Охотското Море, кое е оддалечено приближно 5.900 километри од Москва.

На агендата на рускиот претседател, според агенцијата Тасс, е посета на фабриката за преработка на рибино масло, на социокултурниот центар Мајак и споменикот во чест на херојските руски пилоти, а негов домаќин беше регионалниот гувернер, Сергеј Носов.

На интернет денеска кружеа многу видеа што ги снимија граѓаните од импресивниот конвој од оклопни возила, придружувани од патролни возила и амбулантно возило, како ги преминува затворените патишта на рускиот Далечен Исток кон брегот на Пацификот. Од Магадан до Енкориџ, Алјаска на Путин сепак му остануваат уште 3.200 километри во лет.

✈️ New trend — the Magadan route! Putin made a stop in Magadan on his way to Trump

Propagandists claim that on his way to Alaska, the dictator will visit a local enterprise, go to a park, and a sports complex.

Videos are circulating on social media — allegedly showing Putin’s… pic.twitter.com/KaraPlmrZs

— NEXTA (@nexta_tv) August 15, 2025

Драконските безбедносни мерки ја одразуваат сериозноста на закажаната средба со американскиот претседател на која крои судбината на Украина и евентуално примирје меѓу завојуваните страни кои се во војна повеќе од три и пол години.

„Градот е важен. Путин бил таму многу пати, дури и кога бил премиер“, рече портпаролот Дмитриј Песков, според државната новинска агенција ТАСС.

Летот од Москва до Магадан трае околу осум часа, а потребни се уште четири часа од Магадан до Енкориџ, Алјаска, каде што ќе се одржи самитот. Поради различните временски зони што ги преминува, рускиот претседател во суштина ќе доживее два петоци: еден во Магадан и втор во Алјаска.