Главната уредничка на руската провладина телевизија „Раша тудеј“, Маргарита Симонјан, изјави дека властите во Москва, а и многу други луѓе во Русија, биле тажни поради она што се случува во Украина, а меѓу тие луѓе го вброи и рускиот претседател Владимир Путин.

Според Симонјан, никој не бил среќен затоа што во Киев сега немало струја. Таа вели дека луѓето во Украина треба тоа да го знаат и го обвини украинскиот претседател Володимир Зеленски.

„Не знам ниту еден човек што ужива во фактот што врз Киев паѓаат бомби“, рече Симонјан во гостување во дебатна емисија.

Видео од нејзиното гостување на телевизија на Твитер објави украинскиот функционер Антон Герашченко:

"We don't like bombing Ukraine. We are not happy about it. It makes us sad, including Putin" – Simonyan pic.twitter.com/XJGYb312EW

— Anton Gerashchenko (@Gerashchenko_en) December 26, 2022

Маргарита Симонјан годинава беше ставена под санкции од Европската унија, како „централна фигура на руската владина пропаганда“, одговорна за „активности и политики кои го подриваат територијалниот интегритет, суверенитетот и независноста на Украина“.