Фудбалскиот свет тагува по страшната несреќа во која животите ги загубија напаѓачот на Ливерпул, Диого Жота, и неговиот брат Андре, фудбалер на португалскиот второлигаш Пенафиел.

Двајцата браќа биле на одмор во Шпанија, кога нивното „ламборџини“ излетало од патот поради пукната гума. Според информациите од шпанската полиција, несреќата се случила при голема брзина, а возилото по излетувањето се запалило, што било фатално за патниците.

Шпанските медиуми стигнаа на самото место веднаш по трагедијата и објавија снимки од страотната сцена. Снимките се објавени на каналот на „Ел Мундо Кастиља и Леон“, каде што може да се види размерот на несреќата што го потресе фудбалскиот свет.

Трагедијата се случи само неколку месеци откако Жота стапи во брак со својата долгогодишна партнерка и остави зад себе три деца.