Фудбалерите на Мадервел сигурно го обезбедуваат опстанокот во шкотската Премиер лига, денеска тоа го докажаа со убедлив триумф на гостински терен против Рос Каунти од 5:1.

Во „петардата“ придонесе и македонскиот фудбалер Давор Здравковски кој стрелаше во 90 минута за 4:1 по асистенцијата на Канаѓанецот Тео Бер.

Тоа е прв погодок за нашиот интернационалец во шкотската Премиер лигата во 25 настап сезонава за неговиот клуб.

На табелата во групата за опстанок Мадервел е најдобропласиран со 43 бодови, пред Хибернијан кој има 42. Следува Абердин на Бојан Миовски со 41, Рос Каунти има 33, Ст. Џонстон 31, а Ливингстон 24.

Во последните две кола Мадервел на 15 мај ќе му гостува на Хибернијан, а четири дена подоцна на домашен терен ќе игра против Ст. Џонстон.

again brilliant from @ttbair but so happy for @Davor__10 he works so hard for the team pic.twitter.com/fZ2r7Adna8

— iain (@mr8man) May 11, 2024