Истражувачите од американската сојузна држава Мичиген објавија дека го пронашле „прекрасно сочуваниот“ потонат брод Ајронтон, чија локација била мистерија цели 129 години, пишува „АП“.

Товарен брод долг 60 метри потонал во 1894 година во езерото Хјурон, во областа наречена „Алеја на потонатиот брод“, откако се судрил со друг брод, и бил откриен во водите на денешниот резерват Тандер Беј, соопшти Националната океанска и атмосферска администрација (НОАА).

Doomed vessel: Researchers have found a magnificently preserved shipwreck in Lake Huron.

The 772-ton wooden schooner barge, named Ironton, sank in the lake in 1894. It was located in 2019, but the discovery was not revealed to the public until this week. https://t.co/DdGaDjK7xX pic.twitter.com/I7KwaUWKQE

— The New York Times (@nytimes) March 2, 2023

Ајронтон имал седумчлен екипаж. Само двајца ја преживеале катастрофата прилепувајќи се за пловечките остатоци од бродот во ледените води на Хурон, а преостанатите пет морнари, вклучувајќи го и капетанот, загинале иако успеале да се качат на чамец за спасување. Но, во целиот хаос, тие не можеле да го откачат чамецот од бродот. Новите фотографии од дното на езерото, објавени вчера, покажуваат дека чамецот за спасување сѐ уште е прикачен на бродот.

На 26 септември 1894 година, бродот Ајронтон пловел по езерото Хјурон, а поради лошото време и слабадата прегледност, дошло до судир со бродот Охајо, кој превезувал жито.

Во судирот потонале и двата брода. Преоптоварен со товар, Охајо потонал многу побрзо, но сите 16 членови на неговиот екипаж успеале да влезат во чамци и да се спасат на другите бродови кои дошле на помош. Ајронтон, сепак, се оддалечил од видното поле на бродовите што пристигнувале и потонал.

Потонатиот брод во Охајо бил откриен во 2017 година, а потонатиот Ајронтон дури сега.