Жена по име Лајнел која продала сè што поседувала за да живее на брод за крстарење, проговори за „мрачната страна“ на тој живот, јасно ставајќи до знаење дека не е сè „сјај и гламур“.

Лајнел, која објавува видеа на Јутјуб под името „Од сиромаштија до рај“, вели дека ја продала својата куќа, оставила токсичен брак, си заминала од токсична работа и продала речиси сè друго што поседувала за да си го дозволи крстарењето, пишува „Лед бајбл“.

Иако се пензионирала на 53 години за да живее на море, што звучи како сон што ѝ се остварил, Лајнел сака да истакне дека дури и таков живот има свои темни страни.

Мали кабини, бучава…

Додека некои патници го сметаат целиот брод за свој животен простор, Лајнел истакнува дека недостатокот на простор значи спиење во многу тесни простории.

„Земете ја вашата сегашна спална соба, пресечете ја на половина, потоа натрупајте двоен кревет, две ноќни масички и сè што ви е потребно за да живеете во таа половина, ете така изгледа вашата кабина“, опишала таа.

Кабините се мали, но не поради дебелината на ѕидовите; всушност таа вели дека можете да чуете речиси сè.

„Додека бев во кабината, слушнав толку многу работи што ме вознемируваа“, рекла таам

Таа додава дека во неколку наврати морала да го повика персоналот за да ја реши ситуацијата, а ако живеете на брод, фактот дека „слушате сè“, од расправии до вечерна забава, може да стане проблем.

Лајнел признава дека некогаш страдала од несоница поради бучава, но сега успеала да ја надмине. Таа вели дека е интроверт и поминува многу време во својата кабина, па затоа бучавата е особено чувствителна тема за неа.

Ако сте тип на личност која сака да биде сама со себе, можеби ќе ви биде тешко бидејќи „не можете да избегнете“ комуникација со други патници кои често немаат со кого друг да разговараат.

Монотона храна и емоционални борби

Поради сето погоре наведено, Лајнел препорачува да пробате неколку кратки крстарења пред да се преселите, особено ако сте склони кон вртоглавици, бидејќи тоа е скап начин на живот и никој не сака да биде заробен на брод што ви го празни паричникот и ве прави да чувствувате мачнини.

Зборувајќи за работи што можат да ве „разболат“, Лајнел открива дека храната на бродот за крстарење може да стане „монотона“, бидејќи истите јадења постојано се ротираат во текот на различните фази од патувањето.

Таа, исто така, предупредува дека емоциите можат да ве надвладеат, бидејќи „тешко е да се создадат трајни пријателства“, зошто повеќето патници доаѓаат и си одат, и „дури и кога ќе се зближите со некого, тие излегуваат од бродот и се враќаат во своите животи“, што може да биде емоционално исцрпувачко.

Предностите далеку ги надминуваат недостатоците

„Во зависност од вашата личност, мислам дека некои луѓе може да се чувствуваат осамено на брод за крстарење или може да бидат тажни што луѓето со кои се поврзале се враќаат во своите семејства и животи“, истакнала таа.

И покрај сите овие недостатоци, Лајнел вели дека првично не планирала да живее на брод за крстарење, но дека на крајот сфатила дека е „совршен за неа“ и дека „предностите далеку ги надминуваат недостатоците“.