Позната по својата креативност и инвентивност, младата Стефанија Несторовска, која стои зад инстаграм-профилот snestorovskaa, овој пат ни приготви вистински есенски деликатес. Направете го рецептот, ќе уживате во неповторливиот вкус.

– Никогаш доста од колачи и пити со јаболка. Мене ми се омилени за правење, а и за јадење. Обожавам вкусови со јаболко-цимет, а свежи јаболка во печива ми се прекрасни за користење затоа што го прават целиот колач уште посочен и вкусен. Лесен за правење, уште полесен за јадење. Без брашно, само со гриз – порачува Стефанија.

Состојки:

• 3 јајца
• 1/3 шолја + 2 лажици кокосов шеќер (или повеќе ако сакате поблаго)
• 1 ќесичка ванилин шеќер (по желба, не мора)

➡️ Матете со миксер додека не се добие густа, бела смеса, па додајте:

• 1/2 шолја масло (маслиново/кокосово/сончогледово)
• 1/2 шолја млеко
• 2 шолја (не многу полни) гриз
• половина пакетче прашок за печиво

➡️ Изматете сè заедно, па додајте:

• 1 шолја добро мелени ореви
• 3 јаболка, излупени и рендани
• 1 лажица цимет

Подготовка:

Измешајте со лажица се убаво, па додајте во плех за печење обложен со хартија за печење. Печете на загреана рерна од 180 степени Целзиусови околу 30 до 35 минути. Потопете со растопено чоколадо на топлиот колач (по желба) уживајте.

 

View this post on Instagram

 

A post shared by Stefanija Alkalajleh (@snestorovskaa)