Познатата актерка Луси Хејл (34) призна дека се борела со алкохолизмот во своите 20-ти години. Ѕвездата од серијата „Слатки мали лажливки“ поминала низ бројни терапии и рехабилитација, а земала и лекови.

Луси одлучи отворено да зборува за својот проблем со алкохолизмот и на оваа тема разговараше во подкастот „Повикај го татко ѝ“.

„Се сеќавам на срамот по секој допир со пијалок бидејќи никогаш не можев да пијам ‘нормално’. Не се онесвестував од пиење секој пат, иако често ми се случуваше, но беше многу јасно дека пијам за да избегам од нешто. Дури и на најмлада возраст“, рекла актерката.

Претходно Луси не сакаше да зборува за својот проблем во јавноста, а сега откри дека на рехабилитација започнала да оди на само 23 години.

„Тоа беше многу клучен момент во мојот живот. Мојата борба стана навистина мрачна со текот на времето… Бев многу тажна, бев многу исплашена. Секогаш постоеше силна желба во мене да се обидам да се откажам. Едноставно, во текот на моите дваесетти постојано бев во ваков тажен циклус. Не бев подготвена да престанам да пијам и мислам дека затоа не се отрезнив до 32-та година“, признала таа.

Актерката истакна дека битката што ја води е секојдневна, но и дека не се откажува.

„Ова е нешто на што работам секој ден. Секој момент од секој ден се избирам себеси затоа што морам. Затоа што сакам да живеам“, заклучила таа.