Јутјуберот Греам Динго Динкелмeн почина на 44-годишна возраст откако на крајот на септември доживеа анафилактичен шок, кога го касна зелена мамба – една од најотровните змии во светот.

Неговата сопруга Кирсти потоа ја објави веста на неговиот Инстаграм профил.

„Динго беше каснат од отровна змија и за жал, поради алергија на змиски отров, доживеа анафилактичен шок.

 

View this post on Instagram

 

A post shared by Dingo Dinkelman (@dingo_dinkelman)

Покрај снимањето за YouTube, Динго водел и специјализирани програми за размножување на загрозени видови како што се влекачи и водоземци во Јужна Африка, како и центар за едукација за дивиот свет наменет за деца.

По смртта на Греам, неговата сопруга зборувала за јужноафриканските медиуми.

 

View this post on Instagram

 

A post shared by Dingo Dinkelman (@dingo_dinkelman)

„Неговата љубов кон сите животни беше легендарна, а видеата на кои работи со крокодили, змии и разни африкански диви животни го доведоа до слава на Интернет. Нашите три деца Тејлор, Меди и Рекс беа центарот на животот на Динго и тој никогаш не пропушти можност да ја покаже својата љубов и гордост кон своето семејство. Неговото присуство донесе многу топлина, љубов, страст и смеа во нашите животи. Те сакаме Динго, и ние секогаш ќе го славиме твоето неверојатно влијание врз нашите животи“, додаде таа.

Јутјуберот Динго се прослави откако победи на натпреварот BreakTheNet со неговата серија за средби со дивиот свет во Јужна Африка. Неговиот ентузијазам за работата натера многумина да го споредат со покојниот австралиски конзерватор Стив Ирвин, кој исто така почина на 44-годишна возраст кога во 2006 година го касна ража додека снимаше документарен филм за Големиот корален гребен.