Петгодишниот Ентони ги освои симпатиите ширум светот откако на Св. Валентин се дотера и реши да се упати кон куќата на девојчето кое му се допаѓа.

Имено, тој ја изненадил својата врсничка Лила со букет цвеќе, чоколади и плишана играчка и на тој начин ѝ дал до знаење колку ја сака. Благодарна за овој гест, Лила го прегрнала малиот романтичар.

Мајката на Ентони го снимила овој симпатичен момент и го објавила на платформата Тик-ток. Досега, видеото има повеќе од 40 милиони прегледи.

@shelbysmall1♬ original sound – Shelby Small

„Каков мал господин“, „Ова е најслаткото нешто што сум го видел во последно време“, „Оставете ги родителите да се подготват, ми се чини дека ќе станат семејство“, „И возрасните треба да го погледнат ова и да научат нешто од малите“, се само дел од илјадниците коментари на видеото кое е вистинска позитива.