Големиот пожар кој вечерва беснее во близина на Берово и натаму е локализиран, откако со големи напори го гаснеа сите расположливи пожарникари од Територијалната противпожарна единица (ТППЕ) Берово, заедно со екипите од Шумската служба Малешево од Берово и Пехчево.

Огнот се шири кон селата Градишчето и Трсавица, а поради густата борова шума која го опкружува регионот, постоеше опасност од сериозни последици доколку пожарот не се стави брзо под контрола.

„Доколку пожарот е активен и наутро ќе бидат упатени еден армиски и еден полициски хеликоптер како и два „ер трактори“ на ДЗС“, соопшти вечерва директорот на Дирекцијата за заштита и спасување, Стојанче Ангелов.

Претходно вечерва Општината Берово преку „Фејсбук“ упати апел до граѓаните да се вклучат како доброволци во гаснењето на пожарот кој избувна од месноста „Гарваново Андак“.