Властите во Бангладеш ги истражуваат причините за големиот пожар во бегалскиот камп на Рохинџите, кој остави 12.000 луѓе без покрив над главата. Засега нема информации за жртви, но пожарот уништил 2.000 засолништа откако се запалиле неколку плински боци во кујните во кампот, соопштија официјални лица.

Полицијата истражува дали се работи за саботажа. Еден маж е приведен, јавуваат локалните медиуми. Се верува дека кампот во југоисточниот дел на земјата е најголемиот бегалски камп во светот. Повеќето од нејзините жители, бегалци Рохинџа, избегаа од прогонството во соседен Мјанмар.

Пожарот избувнал околу 14:45 часот по локално време во неделата и брзо ги пробил засолништата од бамбус и церада, изјави официјалниот претставник.

„Околу 2.000 засолништа се изгорени, оставајќи околу 12.000 раселени државјани на Мјанмар без покрив над главата“, изјави за новинската агенција АФП Мијанур Рахман, комесар за бегалци во Бангладеш.

Пожарот бил ставен под контрола во рок од три часа, но уништени биле и најмалку 35 џамии и 20 центри за учење на бегалците, додаде тој.