Ријана повторно ги подигна модните стандарди за сите идни мајки. На улиците на Лос Анџелес, таа се појави во модна комбинација која спои гламурот и опуштеноста на секојдневниот урбан стил.

Иако е бремена, познатата пејачка ни за момент не се откажа од својот препознатлив моден израз, а најновото издание го докажува тоа.

Доказ дека може да биде убава и да се чувствува удобно

Стилот за бременост им изгледа како предизвик на многумина, но за Ријана тоа е уште една можност да ги помести границите. Додека шеташе по улиците на Лос Анџелес, таа носеше широк кафеав фустан со набори од позната модна куќа.

Станува збор за асиметричен модел кој чини околу 3.000 евра. Горниот дел од фустанот без прерамки и суптилниот крој му даваа но софистициран, но опуштен дух.

Луксуз во секој детаљ

Ријана носеше црна мини чанта во раката, но токму нејзините додатоци привлекоа најголемо внимание. На нејзиниот зглоб блескаше часовник од розово злато, чија вредност надминува 85.000 евра. Ова е вистински показател дека Ријана продолжува да ги диктира модните трендови дури и во бременоста.

Меѓу златниот накит, се издвои едно емотивно парче – прстен со натпис „МАМА“, дискретно поставен на показалецот од левата рака

Црвен кармин во фокусот

Секако, ниту едно појавување на Ријана не е комплетно без специфична шминка. Овој пат таа се одлучи за смел црвен кармин, кој доминираше во целиот изглед.