Видеа и фотографии објавени на социјалните мрежи ја покажуваат состојбата во југоисточниот дел на Мароко, каде се случуваат поплави и незапаметени количества вода.

Ова место во Западна Сахара е едно од најсувите и таму исклучително ретко врне, а сега мароканската влада објави дека во два дена, врнежите во септември ги надминале годишните просеци во неколку области каде што се забележуваат помалку од 250 милиметри годишно, вклучувајќи ја и Тата, една од најлошите погодени области.

Water gushes through sand dunes after a rare rainfall in the #Sahara desert

A rare deluge of rainfall left blue lagoons of water amid the palm trees and sand dunes of the Sahara desert, nourishing some of its driest regions with more water than they had seen in decades. pic.twitter.com/1HrGxOo72D

— Mina (@Mina696645851) October 9, 2024

Врнежите предизвикаа поплави, а езерото кое пресушило пред половина век се наполни со вода, објави „Дејли мејл“.

„Поминаа 30 до 50 години откако последен пат имало приближно толкав дожд за толку краток временски период“, рече Хусеин Јуабеб од Генералниот директорат за метеорологија на Мароко.

Песокот не можеше повеќе да апсорбира големи количини на врнежи, па дождот остави езера – сини водени лагуни меѓу палмите и дините на Сахара.

Floods hit… the SAHARA! The desert is struck by its biggest deluge of rain in decades, with water filling Lake Iriqui in Morocco that had been dry for 50 years. pic.twitter.com/yUBiJfVhn4

— Denn Dunham (@DennD68) October 10, 2024

Тагунит, село на околу 450 километри јужно од главниот град Рабат, забележа повеќе од 100 милиметри дожд во период од 24 часа. Сателитите на НАСА покажаа како вода тече во познатото езеро Ирикуи, помеѓу Загора и Тата, кое пресушило пред 50 години.