Фудбалерите на Челси на гостински терен во првиот натпревар од четвртфиналето во Конференциската лига славеа со 3:0 против полската Легија во Варшава.

Екипата на Енцо Мареска доминираше во првите 45 минути, иако домаќините изгледаа стабилни на самиот почеток од натпреварот. Лондонските „сини“ имаа 74% посед на топката во првото полувреме и девет шута кон голот, но ниту еден не резултираше со погодок.

Значително се промени ситуацијата во втората половина од натпреварот. Тирик Џорџ им донесе водство на Англичаните во 49 минута, додека Нони Мадуеке го зголеми водството во 57 минута. Челси можеше да победи многу поубедливо од овие 3:0. Кристофер Нкунку имаше шанса да постигне гол од пенал, но Тобијас ја прочита страната и го одбрани неговиот обид.

Не поминаа ни 120 секунди, а Мадуеке го зголеми резултатот на 3:0 по асистенцијата на Џејдон Санчо.

Во случај на пласман во следната фаза од Конференциската лига, Челси ќе игра против подобриот од двомечот меѓу Ѓургарден и Рапид Виена.