Фудбалерите на Интер ги искористија киксевите на Наполи и на Милан и со убедливата победа над Калјари од 4:0 се искачи на првото место на табелата во Серија А.

Интер по 17 кола во Серија А има 40 бода, еден повеќе од Милан, три од Аталанта и четири од Наполи.

„Неразурите“ поведоа во 29 минута преку Лаутаро Мартинез. До крајот на првиот дел, Интер имаше уште неколку шанси, Лаутаро промаши и пенал, но не успеа да постигне уште еден гол.

Тоа што го промашија во првото, го надополнија во второто полувреме. Санчез во 50 минута зголеми на 2:0, а потоа Чалханоглу и Лаутаро Мартинез за две минути постигнаа два гола за конечни 4:0.