Пратеникот во Европскиот парламент, Фреди Белери кој беше градоначалник на јужната албанска општина Химара, гаѓан е со јогурт и јајца при излегување од албанскиот парламент во Тирана.

Белери според медиумите од Албанија бил гаѓан од активистот, Дилавер Нел, обвинувајќи го дека е одговорен за вооружениот напад врз албанската воена база во 1994 година, кога биле убиени двајца албански војници.
https://youtu.be/nhJVJDQlkds?t=13

Белери престојува во Тирана како дел од групата европратеници кои денеска и утре ќе одржат средби во главниот град во рамки на 18. состанок на парламентарната комисија за стабилизација и пристапување на Албанија во Европската Унија.

Фреди Белери, етнички Грк, избран на почетокот на 2023 година за градоначалник на албанскиот град Химара, во јуни оваа година, додека ја издржувал казната во албански затвор, дознал дека бил избран и за грчки член на Европскиот парламентот од редовите на владејачката Нова демократија.