Eкипата на Челси како да влегува во победнички ритам, па по подолго време лондонскиот клуб успеа да врзе три победи во низа, две во Премиер лигата (Вест Хем и Вулверхемптон) и една вечерва во Лига Купот против нисколигашот Бароу со убедливи 5:0.

Вечерва Енцо Мареска настапи со комплетно нов состав и ги смени сите 11 играчи од натпреварот со Вест Хем, сепак тоа на теренот не се почувствува бидејќи Челси постигна пет гола.

Нкунку во првите 20-тина минути постигна два гола, потоа Фeликс постигна убав погодок за 3:0, четвртиот гол беше дело на Нето за конечните 5:0 да ги постави Нкунку кој комплетираше хет-трик.

Во следното коло се пласираше и Манчестер Сити кој со 2:1 го совлада Вотфорд. Стрелци за „граѓаните“ беа Доку и Нуњеш, додека за Ватфорд во листата на стрелци се запиша Инс.

Во останатите два натпревари Астон Вила со 1:2 беше подобра од Векомб, а Лестер на пенали го елиминираше Валсал откако претходно не видовме погодоци.