Вистински хаос предизвикале група италијански туристи на грчкиот остров Миконос, кога се степале пред сендвичарница, а ситуацијата брзо излегла од контрола.

На видеото од инцидентот објавено на „Фејсбук“ се гледа како пијаните Италијанци влегуваат во судир и со полицајците кои дошле да интервенираат и да воспостават ред.

Според информациите, две групи Италијанци влегле во расправија, а викањето и пцуењето набргу преминало во општа тепачка со тупаници, туркање и клоцање. Полицајците пристигнале брзо на местото, но наишле на неочекуван отпор од дел од тепачите, кои ги нападнале и грчките органи на редот.

На крајот од овој „џумбуш“ кој го предизвикале, Италијанците биле уапсени и однесени во полициска станица.