Денеска младинскиот тим на Црвена звезда славеше во Суботица против Спартак со 2:1 во шестото коло од националното фудбалско првенство на Србија.

По првото полувреме на Градскиот стадион во Суботица водеше домаќинот со голот на Висдом во 30 минута од натпреварот.

Белградските „црвено-бели“ го направија пресвртот во вториот дел, а истиот го најави Тошиќ во 55 минута од мечот.

Конечниот епилог го постави македонскиот младински репрезентативец Матеј Гаштаров, во 63 минута одлично центрираше во противничкиот шеснаесетник, а нашиот играч највисоко скокна и со убав гол ја смести топката во мрежата за радост кај неговиот тим.

Ова е петти гол во шестиот настап за Гаштаров во дресот на младинската екипа на Црвена звезда и докажува дека е во одлична натпреварувачка форма.

За Црвена звезда на денешниот дуел настапи и вториот македонски фудбалер, Горазд Ристовски кој го одигра целиот меч во делот на одбраната.