Фудбалерите на Јувентус на импресивен начин го почнаа настапот на Светско клупско првенство. Тимот предводен од Игор Тудор го декласираше азискиот шампион, Ал-Аин од Обединетите Арапски Емирати, со 5:0 на стадионот „Ауди Филд“ во Вашингтон, САД.

Првиот гол за талијанскиот великан беше дело на Рандал Коло Муани во 11 минута.

Франсиско Консеисао го зголеми резултатот на 2:0, а младиот турски талент Кенан Јилдиз ја потврди целосната доминација на клубот од Торино во првото полувреме со фантастичен удар од далечина во 31 минута.

Коло Муани го постигна и својот втор гол непосредно пред паузата Во продолжението, а по вторпат во листата на стрелците се запиша и Консеисао во 58 минута за поставување на конечниот епилог.

Со победата, Јувентус се искачи на врвот во Групата Г, пред Манчестер сити, кој го победи Видад АЦ со 2:0.