Интересно е како почна целата приказна. АКРОН почна 2001-та како компанија за производство на мебел. Бевме лоцирани во „Стаклара“ каде имаше големи количини на стаклен отпад кој од ден на ден сѐ повеќе се зголемуваше. Помисливме зошто државата не направи нешто со ова, а потоа си рековме па зошто ние да не го направиме тоа.

-Првично немавме никакви сознанија за тоа како оди оваа работа, а кога прашавме ни рекоа дека тоа е неисплатливо и економски неоправдано, но ние бевме упорни во намерата. Разговаравме со еминентни познавачи од Англија која ни помогна да изнајдеме на некој начин исплатливост во процесот, вели Пенев.

-Стаклениот отпад генериран во Македонија е од два извора – амбалажа и индустриско стакло, а количината околу 50 илјади тони. Центрите за третман на отпадно стакло во околината се под капа на стакларите и главно тие им ги покриваат трошоците. Тука нема математика и пари за да се покријат трошоците и затоа ние најдовме други индустрии за инженерски камен производ од рециклирани материјали од кои потоа се прави еден вид реплика на мермер, вели Пенев.

-Нашите стаклени гранулати во моментов се извезуваат во Америка. Овој проект доби иницијална помош од Фондот за иновации во 2016 година. Уште тогаш ги гледавме обврските кои Македонија ги има преземено од ЕУ во своите предпристапни преговори и уште тогаш се вели дека Македонија во наредните години ќе преземе 60 отсто од стаклениот отпад за рециклажа но за жал до денеска едвај стигаме до 15, вели за Утрински брифинг, инженерот Александар Пенев од компанијата АКРОН.

Проследете го целиот разговор во видеото