Селото Луковица во Општина Желино е единственото населено место во полошко до кое за да стигнете мора да поминете и по неасфалтиран пат.

Локалниот пат од месноста викана „Крстец“ па се до селото во должина од 5 километри не е целосно асфалтиран.

Останаа уште 1700 метри нерамен пат со дупки, земја и песок, делница кој беше предвидена да се асфалтира откако Владата во два наврати одобри средства за оваа намена.

Мештаните тврдат дека владините пари биле повеќе од доволни да се изгради целиот пат, но општината истиот го градела со цена за метар квадратен како да гради автопат, затоа и како што тврдат ги потрошила сите пари.

„Се работи за пат од место викано „Крстец“ до село Луковица околу 5 километри. Во 2022 година Владата одобри средства од 15 милиони денари, во 2023 започна да се гради, а општината даде дополнителни 960 000 денари и патот започна да се асфалтира, но еве сега останаа уше 1700 метри. Проблем е што за квадратен метар цената беше превисока околу 37 евра го плаќаа градењето за метар квадратен пат, а секаде се асвалтираше по 25 евра. Тогаш се асвалтираа 2 километри, а за втората делница побара од Владата уште околу 20 милиони денари и тогаш градоначалникот кажа дека ќе го асвалтира и преостанатиот дел од патот, но еве како што гледате се уште останаа тие 1700 метри. И кога отидовме кај него и го прашавме зошто тој дел од делницата не се реализирал, тој ни рече дека парите се толку и треба дополнителни пари.Потоа ги викна стручните лица и на крај ни покажа договор каде според пресметките излезе дека цената за втората делница е 53 евра за метар квадратен, што е превисока и најголема цена за асфалтирање во Македонија. На крај ни рече ако нешто не ви е јасно имате правен лек. Се жалевме до Влада, до Министерство за транспорт и врски, ќе се жалиме и до организиран криминал и антикорупциска, ако овде нема корупција каде ќе има. Најголема цена за асфалтирање е 25 евра а овде асфалтирале и за 53 евра за метар квадратен, како да се гради автопат а не селски пат“, рече Миле Сибиновски претседател на Месна заедница Луковица.

Од Општина Желино ги отфрлаат обвинувањата на месната заедница од Луковица. Според одговорот кој го испратија до медиумите, владините средства добиени за патот биле искористени според сите законски прописи и според проектната документација изработена од овластена проектантска куќа.

„За добиените стредства општината објави оглас преку ЕЈСН (Електронски систем за јавни набавки) и се искористени сите стредства според Основниот проект во рамките на законските одредби на РСМ, и поголемиот дел на овој проект е квалитетно и навремено реализиран согласно проектна документација и согласно финанциски Буџет за овој проект. Останатиот дел што не е реализиран е затоа што немаше доволни стредства и истиот се надеваме дека ќе се реализира во најкусен можен рок. Општина Желино ги почитува сите закони и прописи на Република Северна Македонија, и целата постапка за овој проект е базиран врз основа на позитивните законски прописи и поради ова сметаме дека констатациите на месна заедница на село Луковица се неточни. Имено, Општина Желино токму за овој проект има избрана понуда од понудувач кој нудеше најниска цена за овој проект.Исто така сакаме да ве информираме дека се работи за проект кој се спроведува на планинско подрачје на кој и пристапот со механизација и условите за работа се потешки, кои сигурно влијат и на понудите на економските оператори, информираа од Опшина Желино.

Властите по 30 години одлучија да дадат пари за асфалтирање на патот до село Луковица.

Ова е историски момент за нас, изјавија во 2022 година мештаните од Луковица населено место во Општина Желино, кои талкаа и молеа по институциите да го добијат тоа што им следува, пат до местото каде што живеат.

Но патот се уште не е довршен поради како што тврдат мештаните организиран криминал за селски пат.

По 30 години власта го „одврза ќесето“ ќе даде пари за изградба на пат до Луковица