Челси се избори за место меѓу најдобрите четири на Светското клупско првенство, откако во драматичен натпревар со 2-1 го совлада бразилскиот Палмеирас.

„Сините“ од Лондон одлично го започнаа натпреварот и веќе во 16. минута Кол Палмер го отвори резултатот и донесе водство за својот тим. Но, Палмеирас возврати во второто полувреме, кога талентираниот Естевао погоди во 53. минута и го постави резултатот на 1-1.

Одлучувачкиот момент се случи на седум минути до крајот на натпреварот, кога несреќниот Вевертон си ја погоди сопствената мрежа, што на крајот се покажа како доволно Челси да слави победа.

Во борбата за пласман во финалето, Челси ќе се соочи со Флуминенсе, кој претходно го елиминираше Ал-Хилал со идентични 2-1.