Меѓународниот аеродром во Рим, Леонардо да Винчи – Фјумичино, го отвори првиот луксузен хотел за кучиња, кој нуди престој и целосна грижа, вклучувајќи капење на кучиња, како и услуга за превземање од сопствениците до терминалот.

Хотелот за кучиња се наоѓа во рамки на терминалот, во близина на гаражата.

Фјумичино е еден од првите аеродроми во Европа со ваков тип хотел. Слична услуга веќе постои и на аеродромот во Франкфурт. Ова е големо олеснување за патниците кои патуваат со своите миленици.

„Проектот е дел од стратегијата за задоволување на потребите на патниците и нивните миленици. Цената на собите во хотелот за кучиња изнесува 40 евра. За време на ноќните часови, на кучињата им се пушта амбиентална музика со ниска фреквенција за да се релаксираат и да се намали евентуалната вознемиреност,“ велат од управата.

Хотелот за кучиња станал многу популарен – статистиката за август покажува дека сите 40 соби биле целосно пополнети.