Неверојатна снимка од големата песочна бура која го прекри американскиот град Феникс, во државата Аризона, е објавена од локалните медиуми.

Големи делови од државата беа доведени до целосен застој откако ги погоди бурата, која локално се нарекува „хабуб“.

Бурата, проследена со обилни дождови и ветер, помина низ Феникс и Аризона Сити вчера, а ветерот бил со брзина од над 100 километри на час. Бурата се протегала со километри во далечината, објави Ен-би-си. Поради невремето, без струја останале околу 20.000 луѓе.