Црква во Швајцарија која користи холограм на Исус Христос генериран со вештачка интелигенција, за исповеди, се соочува со критики на социјалните мрежи.

Холограмот кој е наречен „Deus in Machina“ односно „Бог во машина“ е претставен во католичката црква Свети Петар во Луцерн и им овозможува на луѓето да комуницираат со холограм кој е програмиран да го имитира Исус, пишува „Дејли мејл“.

Парохијата објасни дека холограмот е создаден од компјутерски научници и теолози од Универзитетот за применети науки и уметности во Луцерн и е обучен за Новиот завет и религиозните информации, пронајдени на интернет.

Холограмот се наоѓа во една од исповедниците и го прикажува Исус кој наводно ги поздравува корисниците со зборовите „мир со вас“ и ги охрабрува да споделат „што е во нивните срца“. Исто така, холограмот зборува на 100 јазици.

Видеото од холограмот, објавено на социјалните мрежи предизвика мешани реакции – едни ја сметаат идејата одлична, а други се навредени.

„Не, не, не. Господе, прости ми, но овие луѓе се идиоти“; „Не сум сигурен дали ова е богохулство или многу кул“; „Не сум религиозен, но зарем ова не е спротивно на учењето?“; „Додека им помага и не им пречи на луѓето, не гледам дека е проблем. Христијанството оди напред во дигиталната ера“, се само дел од коментарите.

???AI JESUS TAKES CONFESSIONS IN SWISS CHURCH

St. Peter’s Church in Lucerne introduced an AI-powered Jesus hologram for confessions.

Developed by theologians and computer scientists, the AI is trained on the New Testament and responds to questions in 100 languages.… pic.twitter.com/yFRu5zw0Vc

— Mario Nawfal (@MarioNawfal) November 20, 2024