Македонската пејачка Тамара Волческа ја промовираше својата нова песна „Херој“, а која сними и видеозапис. Спотот е снимен на неколку локации, под режисерска палка на пејачката Ивона Јовановиќ, позната како Ивона Јо.

Волческа се прикажа во едно ново руво, сосема поразлична од она што досега сме навикнале од неа.

„Херој“ е брза и енергична песна која ја враќа надежта во едноставните дела кои внесуваат задоволство и оптимизам во животот.

„Херојот е Тамара која се обидува да се спаси сама себе во периоди кога била мала и незаштитена. Пораката на овој проект е сите ние да бидеме свои херои и сами да го пронајдеме патот до нашиот успех, како што токму тоа го прави Тамара на крајот од видеото, каде што си дава аплауз сама на себе“, гласи описот на видеозаписот.

Самата Волческа е авторка на текстот, а музиката е дело на Дамир Пух и Наташа Миха.

Модната стилистка Ива Спасовска, како и Афтентика се погрижија за изгледот на пејачката во спотот.