Фудбалскиот клуб Манчестер јунајтед ги објави официјалните планови за својот нов стадион. Англискиот гигант новиот стадион го најавува како „иконски“, а ќе се гради во близина на Олд Трафорд.

Стадионот ќе чини повеќе од два милијарди евра (2,3 милијарди), а ќе има капацитет од 100.000 седишта.

Ова ќе го направи најголемиот стадионш во Велика Британија, поголем од познатиот Вембли во Лондон (90.000 седишта).

Новиот косопственик на Јунајтед, Сер Џим Ретклиф изјави дека сака да го изгради „најдобриот фудбалски стадион во светот“, а клубот се надева дека ќе го заврши за пет години, до 2031 година.

– Мислам дека Манчестер Јунајтед ќе стане најпрофитабилниот клуб во светот. Мислам дека клубот повторно ќе освојува трофеи. Би било одлично да го имаме овој стадион за пет или шест години – изјави Ретклиф.

Одлуката е донесена по обемен процес на консултации со градот Манчестер и навивачите.