Кошаркарската репрезентација на Литванија денеска во Манила, Филипини, ја совлада Словенија со 100:84 (33:21, 20:22, 22:20, 25:21), во разигрувањето за пласман од петтото до осмото место на Светското првенство.

Литванскиот тим го предводеше Јонас Валанчиунас со 24 поени и 12 скока. Игнас Браздеикис постигна 15 поени, а Миндаугас Кузминскас и Давид Сирвидис по 14.

Кај Словенците повторно најефикасен беше Лука Дончиќ со 29 поени и шест скока. Алексеј Николиќ додаде 14 поени, Мајк Тоби 13, а Зоран Драгиќ 12.

Литванците в сабота ќе играат за петтото место на Мундобаскет против Летонија, која претходно ја совлада Италија со 87:82.

Репрезентацијата на Словенија ќе игра против Италија за седмото место.