Фудбалерите на Аргентина славеа над Парагвај со 1:0 во третото коло во групата А на Копа Америка. Со вториот трумф по ред од 1:0 „гаучосите“ се осамија на првото место во групата со седум бодоби и си обезбедија пласман во четвртфиналето.

Единствениот гол на натреварот беше дело на фудбалерот на Севиља, Алехандро Папу Гомез во 10. минута од натпреварот по асистенцијата на Анхел ди Марија.
Дополнителни причини за славје имаше и капитенот Лионел Меси кој го одигра 147. натпревар за репрезентацијата со што се израмни со Хавиер Маскерано на првото место на вечната листа на по бројот на настапи за националниот тим.
Аргентинците не доминираа на натпреварот, му го препуштија поседот на топка на протвникот, но благодарение на голот на Гомез дојдоа до победата и трите бодови.
Во наредното коло, Аргентина ќе игра против Боливија која е поразена на првите натпревари.