Кошаркарите на Њујорк никс не дозволија да бидат елиминирани и изминатата вечер на свој терен славеа со 111-94 против Индијана и во следниот натпревар ќе се борат за мајсторка во битката за големото финале.

Одличен од почетокот на натпреварот беше Џејлен Брансон и ја заврши првата четвртина со 14 поени. Њујорк поведе со 6-0 и оттогаш не го изгуби водството, градејќи стабилна предност која во третата четвртина достигна и 22 поени, па така уште во тие моменти беше решено прашањето на победникот.

Брансон средбата ја заврши со 32 поени, додека Карл-Ентони Таунс имаше одличен настап со 24 поени и 13 скокови. Најпрецизен кај Пејсерс беше Бенедикт Матурин со 23 поени, но тоа не беше доволно за да се избегне поразот.

Следниот дуел е закажан за викендот, во ноќта меѓу сабота и недела, кога серијата се сели назад во Индијанаполис. Никс ќе имаат шанса да изборат „мајсторка“ и да се вратат дома за одлучувачкиот седми натпревар.

Во меѓувреме, Оклахома веќе го обезбеди своето место во големото НБА финале откако ја совлада Минесота со 4-1 во серијата.