Нилско коњче од Зоолошка во Тајланд предвиде победа на Доналд Трамп во трката за претседател на САД.

Тајландска зоолошка градина одлучи да спроведе експеримент со малиот цицач Му Денг, кој е интернет сензација од неговото раѓање во јули и досега има илјадници следбеници на социјалните мрежи.

Вработените во зоолошката градина поставиле две идентични чинии со омилено овошје пред Му Денг.

На едната чинија стои името на кандидатката на демократите Камала Харис, а на другата на републиканецот Доналд Трамп.

Му Денг се упати кон садот со името на поранешниот претседател Трамп, што од посетителите на паркот беше протолкувано како победа на Трамп.

Сепак, според негувателките, причината е што во садот со името на Трамп, парчињата од неговото омилено змејово овошје биле малку поголеми од оние во садот на Камала.