Невреме проследено со силен дожд, ветер и град денеска ја зафати Србија. Невремето ги погоди западните делови од земјата, но набрзо стигна и до Белград, објави српскиот сервис на Н1.

Во Белград, буквално се стемни во секунда околу 14 часот во центарот на градот. Врне, дува силен ветер и паѓа град. Невремето пристигна во Белград околу 13 часот и 40 минути, пренесуваат српските медиуми

Александар Шапиќ, градоначалникот на Белград, ги предупредува граѓаните да не излегуваат надвор.

На социјалните мрежи луѓето објавуваат снимки од големото невреме. Има обилни дождови, ветерот силно дува, а се создава впечаток како надвор да е темно и магливо.

Во Лајковац автомобилите полека возат низ поплавени улици, а водата стигнала и до тротоарот. По улиците тече големо количество вода, а водата стигна и до автобуската станица.

Puno pozdrava iz Smokvice, Ada: pic.twitter.com/3tgt3Q2ogQ

— Kaldrmas (@Kaldrmas) August 5, 2023