ВИДЕО| Неверојатно: Светска шампионка тргна па се откажа од трката поради протест
Швајцарската скијачка Лара Гут Бехрами која има две титули светски шампион, се откажа на самиот старт од последната трка оваа сезона.
Неверојатниот потег на Гут Бехрами се случи во Ленцерхајде на велеслаломската трка кога по третата капија од првото возење одлучи да запре и да не ја заврши трката и тоа поради протест.
Имено, Светската скијачка федерација (ФИС) донесе одлука поради лоши временски услови да ги откаже трките во спуст и во супервелеслалом во Ленцерхајде со што на Гут Бехрами во женска и на Марк Одермат во машка конкуренција им ги намали шансите преку најбрзите трки во скијањето да се обидат да ги престигнат Петра Влхова и Алексис Пинторо во генералниот пласман и да го освојат големиот Кристален глобус.
Препорачано
Претставниците на Швајцарската скијачка федерација предложија последните две трки да се возат наредната недела, но ФИС го одби тој предлог со што ги разгневи Гут Бехрами и Одермат кои се специјалисти за најбрзите дисциплини.
Поради тоа Гут Бехрами која е во брак со швајцарскиот фудбалски репрезентативец Валон Бехрами, своето незадоволство го искажа со откажувањето по третата капија, а победата на крајот и припадна на скијачката од Нов Зеланд, Алис Робинсон.
